APR FC imaze kwerekana abakinnyi yasinyishe bashya barimo Yannick Bizimana wakiniraga Rayon Sports | rwandaroundup

Ubuyobozi bw’ikipe ya APR FC bwerekanye abakinnyi bashya baguze muri uyu mwaka wa shampiyona barimo Bizimana Yannick wahoze akinira Rayon Sports na Nsanzimfura Keddy wakiniraga Kiyovu Sports.

Iki gikorwa cyabereye ku cyicaro cy’iyi kipe ku Kimihurura cyari kitabiwe n'umunyamabanga wa APR FC Lt col Sekaramba Silvestre hamwe n’umutoza mukuru wa APR FC Adil Mouhamed Erradi.

Amazina y'abakinnyi berekanywe barimo Ndayishimiye Dieudonne na Ruboneka Bosco bavuye muri As Muhanga, Bizimana Yannick wakiniraga Rayon Sports hamwe na Nsanzimfura Keddy wakiniraga Kiyovu Sports.

Aganira n'itangazamakuru, umunyamabanga wa APR FC yatangaje ko babonye ari abakinnyi beza kandi ko bizeye ko bazabafasha mu mwaka utaha wa shampiyona.

Abayobozi b'iyi kipe(APR FC) batangaje ko banazamuye umunyezamu Ishimwe Jean Paul wakinaga mu ikipe y’Intare, ariko ngo Sugira Ernest we yamaze  kubwirwa ko atagikenewe muri iyi kipe ariko ngo bizasaba ko hagira ikipe imwifuza kugira ngo babe bamutanga.

Umutoza wa APR FC Adil Mouhamed Erradi we yavuze ko bishimira ko bazanye abakinnyi bashya kandi ko na we yagize uruhare mu kubazana, anavuga ko  yihaye intego yi kugera mu matsinda mu marushanwa nyafurika.

Nabanza nkabifuriza ikaze. Ni abakinnyi beza, bamenyereye shampiyona y’u Rwanda twizera ko bazadufasha cyane mu myaka iri imbere, turishimira uko umwaka ushize wagenze, turashaka ko umwaka utaha tuzatwara ibikombe tukanagera mu matsinda ya Champions League "Adil Mouhamed Erradi".

Umutoza wa APR FC  Adil Mouhamed Erradi(hagati) yihaye intego yo kugeza iyi kipe mu matsinda ya Champions league

APR FC ni ikipe yari ihagaze neza umwaka ushize kuko shampiyona yahagaze nta mukino numwe iratsindwa,umutoza wayo akaba yarasabyeko yakongeramo abakinnyi bake ariko bakiri bato.

Iyi kipe ikunze kunengwa ko iba nziza imber mu gihugu ariko yagera hanze ntirenge umutaru,ikaba ari nayo izasohokera u Rwanda muri CAF Champions league.

Naomi Osaka niwe mukinnyi w'umukobwa uhembwa amafaranga menshi ku isi - rwandaroundup

Umukinnyi wa tennis Naomi Osaka ku myaka 22 niwe mukinnyi uhembwa amafaranga menshi ku isi mu bakinnyi b'abategarugori.

Naomi Osaka

Nk’uko ikinyamakuru Forbes Magazine ibitangaza , Osaka watsinze Serena Williams muri US Open muri 2018, bigatuma abona igikombe cya mbere cya Grand Slam, yinjije miliyoni 37.4 z'amadolari mu mezi 12 ashize akaba ari amafaranga yakuye mu bihembo ndetse no kwamamaza. Serena Williams we yinjije hafi miliyoni 36 z'amadolari.

Usibwe ibikombe bwinshi bikomeye yatsindiye, Osaka ubu ari ku mwanya wa 29 mu bakinnyi 100 bahembwa menshi ku isi, mu gihe Serena Williams aza ku mwanya wa 33 mu makinnyi b'abakobwa bahembwa menshi.

Mbere, umutegarugori wahembwaga menshi mu bategarugore ni Umurusiya Maria Sharapova, winjije miliyoni 29.7 z'amadolari muri 2015.

Ukurikije urutonde rw'umwaka ushize , Umunyarijantine ukinira FC Barcelona niwe mu kinnyi uhembwa amafaranga menshi ku isi, kuko yinjije miliyoni 127 z’amadolari.

Gasogi United yasinyishije rutahizamu wa Mukura Victory Sports Iradukunda Bertrand

Ku mugoroba wo kuwa Mbere nibwo byavuzwe ko Iradukunda Bertrand yumvikanye na Gasogi United nk’uko byemezwaga n’inshuti z’uyu mukinnyi.

Gasogi United ikaba yasinyishije uyu rutahizamu wa Mukura Victory Sports, Iradukunda Bertrand, ku masezerano y’imyaka ibiri ndetse imwerekana kuri uyu wa Kabiri tariki ya 19 Gicurasi 2020.

Ku gicamunsi cyo kuri uyu wa Kabiri, Perezida wa Gasogi United, Kakooza Nkuriza Charles (KNC), yasinyishije Iradukunda Bertrand ndetse amwerekana afite umwambaro w’iyi kipe.

Yabaye umukinnyi wa mbere mushya werekeje muri iyi kipe iheruka kongerera amasezerano abarimo Kwizera Aimable ukina mu mutima wa ba myugariro na Herron Berrian ukina hagati.

Gusa, Gasogi United ishobora gutandukana n’umunyezamu wayo wa mbere, Kwizera Olivier ushobora kwerekeza hanze y’u Rwanda, aho bivugwa ko yifuzwa na AS Vita Club yo muri Repubulika Iharanira Demokarasi ya Congo.

Ubwo yasinyaga

COVID-19: Ajax ibuze igikome/Shampiyona y'Ubuholandi 2019 - 20 yahagaritswe burundu itarangiye kubera Coronavirus

Iki cyemezo kibaye nyuma yuko guverinoma y'igihugu ihagaritse ibikorwa bihuza abantu benshi kugeza ku ya 1 Nzeri kubera coronavirus.

Hakim Ziyech

FIFA igiye guha FERWAFA miliyoni 475 Frw yo guhangana n’ingaruka za Coronavirus - rwandaroundupnews

FERWAFA igiye guhabwa miliyoni 475 frw

Ronaldinho yarekuwe muri gereza nyuma y'iminsi 32 afunzwe - rwandaroundupnews

Uwahoze ari umukinnyi wa Barcelona na Brezile"Ronaldinho"  na murumuna we "Roberto Assis"

barekuwe muri gereza ya Paraguay bajya gufungirwa muri hotel.

Ronaldinho agikinira Barcelona

Aba bavandimwe batawe muri yombi mu ntangiriro za Werurwe bakurikiranyweho gukoresha pasiporo mpimbano kugira ngo binjire muri Paraguay.

Nyuma yo kumara iminsi 32 muri gereza, umucamanza Gustavo Amarilla yemeje ko aba bombi bashobora kujya muri hoteri  Asuncion mu gihe bagitegereje kuburanishwa ku byo baregwa.

Abunganira Ronaldinho na Assis batanze ingwate ya miliyoni 1.6 z'amadolari y'Amerika (£ 1.3m).

Ronaldinho na Assis bafunzwe nyuma yo gutanga ibyangombwa by'ibihimbano igihe binjiraga muri Paraguay, ubwo bari bitabiriye ibikorwa  byo kwamamaza aho muri Paraguay.

ubwo yasohokaga gereza

Uyu mugabo w'imyaka 40,ukunda kugaragara yishimwe,inshuti ze zavuze ko yahindutse aho ari muri gereza.

Mu kwezi gushize, Nelson Cuevas wahoze ari umukinnyi mpuzamahanga wa Paraguay, yatangarije Radiyo CNN ko Ronaldinho atishimye na gato.

Umukino wanyuma wa UEFA Champions League ushobora kudakinwa mu gihe bitashoboka ko ukinwa mbere ya 3 Kanama 2020 - rwandaroundupnews

UEFA yemeje ko umukino wa nyuma wa Champions League uzahagarikwa niba amarushanwa adashobora kurangira ku ya 3 Kanama 2020.

Champions league na  Europe league bishobora gusubikwa