Cristiano Ronaldo niwe uyoboye abakinnyi binjiza amafaranga menshi kuri Instagram - rwandaroundup

Nk’uko HopperHQ ibivuga, umukinnyi wa Juventus,Cristiano Ronaldo niwe muntu ukurikiranwa cyane kurubuga rukunzwe cyane rwa Instagram hamwe n'abamukurikira(followers) bagera kuri miliyoni 239.

Cristiano Ronaldo ahabwa arenga miliyoni 868 y'Amanyarwanda kuri buri post ashyize kuri Instagram

Uwo bahora bahanganye ukinira Barcelona na Arijantine Lionel Messi aza ku mwanya wa gatatu mu gihe uwakanyujijeho mu mupira w'amaguru mu Bwongereza David Beckham kimwe na LeBron James ukina basketball baza muri batanu ba mbere.

N'ubwo amaze igihe kinini atari mu bihe byiza, umukinnyi wa Tottenham Galeth Bale yashoboye kuza mu icumi ba mbere.

Umunya Africa uza kuri urutonde ni Mohamed Salah ukinira Liverpool uza ku mwanya wa cumi.

Reba urutonde rw'abakinnyi 24 binjiza menshi kuri Instagram:

1. Cristiano Ronaldo (Football) - Amadorali 889.000 kuri buri post

2. Neymar (Football) - Amadorali 704.000  kuri buri post

3. Lionel Messi (Football) - Amadorali 695.000 kuri buri post

4. David Beckham (Football) - Amadorali 339,000 kuri buri post

5. LeBron James (Basketball) - Amadorali 307.000 kuri buri post

6. Virat Kohli (Cricket) - Amadorali 296.000 kuri buri post

7. Ronaldinho (Football) - Amadorali 238.000 kuri buri post

8. Gareth Bale (Football) - Amadorali 200.000 kuri buri post

9. Zlatan Ibrahimovic (Football- Amadorali 200.000 kuri buri post

10. Mohamed Salah (Football) - Amadorali 180.000 kuri buri post

11. Luis Suarez (Football) - Amadorali 176.000 kuri buri post

12. Conor McGregor (Umukino w'iteramakofe) - Amadorali 170.000 kuri buri post

13. Stephen Curry (Basketball) - Amadorali 142,000 kuri buri post

14. Floyd Mayweather (Umukino w'iteramakofe) - Amadorali 108.800 kuri buri post

15. Sergio Aguero (Football) - Amadorali 63.500 kuri buri post

16. Ronda Rousey (Iteramakofe) - Amadorali 60.300 kuri buri post

17. Serena Williams (Tennis) - Amadorali 57,300 kuri buri post 

18. Kevin De Bruyne (Football) - Amadorali 51,600 kuri buri post

19. Simone Biles (Gymnastique) - Amadorali 17.800 kuri buri post

20. Kelly Slater (Surfing) - Amadorali 12.500 kuri buri post

21. Ryan Sheckler (Skateboarding) - Amadorali 10.200 kuri buri post

22. Max Holloway (Iteramakofe) - Amadorali 9.700 kuri buri post

23. Lindsey Vonn (Skiing) - Amadorali 9.300 kuri buri post

24. Shaun White (Snowboarding) - Amadorali 6,600 kuri buri post

UEFA, Premier League, Canal +, bishimiye ibihano urukiko rwafatiye Victory TV ikorera mu Rwanda - rwandaroundup

Ihuriro ry’amashyirahamwe y’umupira w’amaguru mu Burayi (UEFA), utegura akaba na nyiri amarushanwa ya UEFA Champions League ndetse n’amarushanwa ya UEFA Europa League, Ishyirahamwe ry’umupira w'amaguru mu Bwongereza(Premier League Limited), utegura akaba na nyiri amarushanwa y’icyiciro cya mbere mu Bwongereza (EPL) na Canal + International, umufatanyabikorwa wabo wo kwerekana imikino mu rurimi rw'igifaransa kuri aya marushanwa mu Rwanda bishimiye icyemezo No RCOMA 00877/2019 / HCC cyafashwe ku ya 9 Nzeri 2020 ku bw'inyungu zabo n'Urukiko Rukuru rw'Ubucuruzi rwo mu Rwanda kubwo guhagarika umuyoboro wa Televiziyo ikorera mu Rwanda “Victory TV Ltd” .

Urukiko rukuru rw’ubucuruzi rwasanze ubujurire bya Victory TV budafite ishingiro kandi rwemezako icyemezo cyafashwe n’urukiko rwibanze n o RCOM 00869/2019 / TC, cyari cyategetse umukoresha wa televiziyo Victory TV guhagarika kwerekana mu buryo butemewe shampiyona y'ikiciro cya mbere mu Bwongereza, UEFA Champions league, imikino ya UEFA Europa League mu Rwanda.

Nyuma yibi byemezo, urwego rushinzwe kugenzura imirimo ifitiye igihugu akamaro(RURA) rwategetse Victory TV ku cyemezo cyo ku ya 28 Nzeri 2020, guhagarika gutangaza aya marushanwa bahanishwa igihano cyo guhagarika uruhushya rwo kwerekana iyi mikino.

UEFA hamwe Premier league bavuga ko gutangaza amashusho y’amarushanwa yabo utabiherewe uburenganzira ari ukubangamira uburenganzira bwabo ku mutungo bwite mu by'ubwenge.

Lionel Messi yakoresheje indege ye ya miliyoni 12 z'Amapawundi ubwo yajyaga muri Arijantine - Amafoto

Arijantine izahura na Boliviya na Ecuador mu mikino ibiri ibanza 2022 yo gushaka itike yo kuzakina igikombe cy'isi ku ya 8 Ukwakira na 13 Ukwakira.

Kubera icyorezo cya coronavirus, Messi yatanze indege ye ku bakinnyi bo muri Arijantine bakinira i Burayi kugirango ibafashe kurinda umutekano wabo.

Messi yajyanye n'abakinnyi nka Paulo Dybala, Juan Foyth, Marcos Acuna, Lucas Ocampos na Nicolas Otamendi mu ndege ye y'ihariye(private jet).

Aba bakinnyi batanu bo muri Arijantine bazahita banatahana na Messi mu rugendo rwo gusubira muri Espagne mu rwego rwo kugabanya guhura n'abandi bantu ku bibuga by’indege rusange mu rwego rwo kwirinda coronavirus.

Uyu mukinnyi w’ikipe ya Barcelona, yatangiye gukoresha iyi ndege mu 2018, bivugwako ajya ayikodesha sosiyete yo muri Arijantine inshuro nyinshi mu myaka mike ishize.

Iyi ndege ifite ibintu byinshi bidasanzwe, harimo igikoni, ubwiherero bubiri n'intebe zihagije ku bantu 16.

Intebe zayo zishobora no kuzingurwa zigahindukamo ibitanda umunani kugirango abakinyi bashobore kubona aho kwihengeka mu ndege nkiyi ikora urugendo rurerure yerekeza muri Amerika yepfo.

Indege kandi ifite ishusho ya nimero 10 ya Messi ku murizo wayo.

Cristiano Ronaldo yaguriye umukunzi we impeta agera kuri Miliyoni 760 z'amanyarwanda - amafoto

Bivugwa ko uyu mukinnyi wa Juventus yatanze amafaranga agera kuri 615000 y'Amapawundi ku mpeta ya diyama yo guha umukunzi we Georgina Rodriguez.

Nk’uko byatangajwe na GamblingDeals, yakoze urutonde rw'impeta zihenze cyane zaguzwe n'abakinnyi b'umupira w'amaguru, umunyezamu w'Ubwongereza Jordan Pickford aza ku mwanya wa kabiri ku mpeta yaguze 500.000 by'amapowundi yo kwambika umugore we Megan Davison.

Impeta ya Ashley Cole yaguze agera ku ma Euro 275.000 yo guha uwahoze ari umugore we Cheryl iza ku mwanya wa gatatu.

Rutahizamu wa Tottenham Harry Kane aza ku mwanya wa cumi ku mpeta y'amapowundi 180.000 yaguriye umugore we Katie Goodland.

Cristiano avugako akunda Georgina Rodriguez

Georgina na Ronaldo bafitanye umukobwa w'imyaka ibiri kandi barera abandi bana Cristiano batatu banyina babo bataramenyekana, harimo impanga ebyiri Eva na Mateo b'imyaka itatu, na Cristiano Jr. w'imyaka icumi.

Uyu mukobwa yahuye bwa mbere na Cristiano ahagana mu mpera za 2016.

Bivugwa ko Ronaldo yasabye uyu mukobwa w'umunya Espagne wakoraga muri Supermarket ko yamubera umugore muri 2018.

Georgina Rodriguez yamenyaniye na Ronaldo muri supermarket yakoragamo

Uyu mukinnyi wahoze akinira Manchester United na Real Madrid, yatanze amafaranga menshi yo gufasha kugura ibikoresho byo kwa muganga mu gihe cya coronavirus, yashimangiye ko bazashyingiranwa bwemewe n'amategeko.

Cristiano akunda kuvugako uyu mugore yamufashije mu rugendo rwe rwo gukina ruhago, akizerako umunsi umwe bazashyingiranwa kuko ari ni nzozi za nyina.

Cristiano Ronaldo na Lionel Messi bazahurira mu matsinda ya Champions League | Manchester United yongeye guhura na PSG

Abakinnyi bakomeye bahora bahanganye Cristiano Ronaldo na Lionel Messi bagiye gucakiranira mu matsinda ya Champions League.

Ni tombora yabereye ku cyicaro gikuru cya UEFA i Nyon, mu Busuwisi, aho ikipe zikomeye muri iri rushanwa Barca na Juventus zisanze mu itsinda rimwe.

Hagati aho Manchester United yagarutse muri iri rushanwa yongeye guhura na Paris Saint- Germain mu itsinda H, umukino wibukije abafana ba Manchester United ubwo batsindaga abanya Pari muri Werurwe 2019. 

Ikipe ya Manchester United ubwo yishimiraga gusezera PSG muri 2019

Amatsinda ya Champions league 2020-2021:

ITSINDA A.

Bayern Munich

Atletico Madrid

RB Salzburg

Lokomotiv Moscou

ITSINDA B.

Real Madrid

Shakhtar Donetsk

Inter Milan

Borussia Monchengladbach

ITSINDA C.

Porto

Manchester City

Olympiacos

Marseille 

ITSINDA D.

Liverpool

Ajax

Atalanta

Midtjylland 

ITSINDA E.

Sevilla

Chelsea

Krasnodar

Rennes 

ITSINDA F.

Zenit

Borussia Dortmund

Lazio

Brugges 

ITSINDA G.

Juventus

Barcelona

Dynamo Kyiv

Ferencvaros 

 

ITSINDA H.

Paris Saint Germain

Manchester United

RB Leizpig

Istanbul Basaksehir

Ku wa gatanu, UEFA nibwo izatangaza gahunda y'imikino ya Champions League.

Amakipe ari muri iri rushanwa yamenyeshejwe ko ashobora kwinjiza abafana bangana na 30 ku ijana(30%) muri sitade,gusa hakazajya hinjira abafana b'ikipe yakiriye mu rwego rwo kubahiriza amabwiriza yo kwirinda coronavirus.

Kubera icyorezo cya Coronavirus, ibirori byakozwe nta bantu benshi bateraniye aho i Nyon, Didier Drogba wahoze akinira Chelsea na Florent Malouda nibo bari abashyitsi bakuru muri sitidiyo yakorerwagamo tombora.

Hanatanzwe ibihembo byamarushanwa y'umwaka ushize, aho abakinnyi ba Bayern Munich bihariye ibi bihembo.

Manuel Neuer yagizwe umunyezamu w’umwaka wa UEFA, mu gihe mugenzi we Joshua Kimmich yatwaye igihembo cy'umudefanseri mwiza.

Kevin De Bruyne yabaye umukinnyi wo hagati w'umwaka, mu gihe Robert Lewandowksi yahembwe nka rutahizamu w'umwaka.

Uyu rutahizamu wo muri Polonye kandi yegukanye igihembo rusange cy'umukinnyi witwaye neza muri UEFA 2019-20.

 

PSG: Cristiano Ronaldo ashobora kwigira mu ikipe ya Paris Saint Germain - rwandaroundup

Igihangange muri ruhago, Cristiano Ronaldo ashobora kwigira muri Paris Saint Germain nyuma yuko ikipe ye ya Juventus isezerewe muri kimwe cya kane kirangiza cya Champions league.

Cristiano Ronaldo, yageze muri Juventus muri 2018, aguzwe miliyoni ijana z'Amayelo.

N'ubwo yarafite imyaka 33, Juventus yamuguze aka kayabo ititaye kumwaka ye ahubwo yita k'ubushobozi bamubonanaga.

Juventus yari afite intego yo gutwara igikombe cya Champions League nyuma yo gutsindwa kabiri ku mukino wa nyuma muri 2015 na FC Barcelona, na 2017 itsinzwe na Real Madrid yakinwagamo na CR7.

Nyamara nyuma y'imyaka ibiri, ibintu ntibimeze neza kuko itigeze irenga muri kimwe cya kane kirangiza nyuma yo gusezererwa na Ajax Amsterdam muri 2019, Olympic Lyon muri 2020.

Abenshi bavugako Cristiano Ronaldo ntacyo yabikoraho kuko akenshi uba usanga ariwe uyihetse wenyine, nkaho muri 2019 yasezereye Atlético Madrid atsinze ibitego bitatu wenyine(Hat-trick) muri kimwe cya 16, ibitego 2 yatsinze Ajax mu mukino ubanza n'igitego 1 mu mukino wo kwishyura muri 1 cya 4 kirangiza 2019,hakaba n'ibitego bibiri yatsinze ku wa gatanu ubwo bakinaga na Olympic Lyon bikarangira ibasezereye kubera igitego cyo hanze.

Byanze bikunze rero, ikibazo cy'ejo hazaza he muri Juventus, aho agifite amasezerano kugeza 2022, kiri mu byihutirwa umuhagarariye agomba kwitaho mu ibi bihe.

CR7 ateganya kuva muri Juventus kandi ngo Paris Saint Germain niyo mahitamo meza, bikaba biterwa n'umubano mwiza uri hagati y'umuhagarariye mu mategeko"Jorge Mendes" n'umuyobozi mukuru wa PSG,"Leonardo".

Jorge Mendes akaba ariwe wagize uruhare mu kuzana umuzamu wahoze akinana na CR7 muri Real Madrid "Keylor Navas" muri PSG.

Juventus imaze kwirukana umutoza wayo Maurizio Sarri nyuma yo gusezererwa na Lyon

Nyuma yo gusezerewe na Lyon yo mu Bufaransa mu mukino wa kimwe cy'umunani cya Champions League, ikipe ya Juventus yafashe umwanzuro wo guserera uwari umutoza wayo Maurizio Sarri, wari umaze umwaka umwe atoza iyi kipe.

Sarri yaramaze gufasha Juventus kwegukana igikombe cya cyenda yikurikiranya cya shampiyona y'Ubutaliyani(Serie A).

Kuri uyu wa gatanu mu mujyi wa Turin mu Butaliyani, Juve yatsinze Lyon ibitego 2 - 1, ariko Lyon ni yo yakomeje kubera gutsindira hanze.

Sarri, Umutaliyani w'imyaka 61 y'amavuko, ku mpeshyi ishize ni bwo yari yahawe kontaro yo gutoza Juventus mu gihe cy'imyaka itatu, nyuma yo kumara umwaka atoza Chelsea.

Juventus yagaragaje ibtege nke mu mpera za shampiyona kuko mu mikino ine yatsinzwemo itatu, ikaba yari iherutse no gutsindwa na Napoli ku mukino wa nyuma w'igikombe cy'Ubutaliyani kizwi nka "Coppa Italia."

Sarri wigeze kuba akora muri banki, yasimbuye ku butoza Massimiliano Allegri mu kwezi kwa gatandatu mu mwaka ushize wa 2019 nyuma yo kuva mu ikipe ya Chelsea.

Bivugwako uwahoze atoza iki ya Tottenham, Mauricio Pochettino ariwe ushobora guhabwa iyi kipe.

Manchester United na Chelsea zibonye tike ya Champions League ku mikino yanyuma ya Premier League - rwandaroundup

Ikipe ya Leicester city niyo ibihomeyemo ku mikino yanyuma nyamara yari imaze igihe kinini iri kumwanya wa gatatu, ariko kuva bava mu kiruhuko cyari cyatewe na COVID-19,iyi kipe yagaragaje umusaruro utari mwiza.

Ikipe ya Manchester United na Chelsea byamamaze kubona umwanya wo kuzitabira irushanwa rya Champions League itaha  , nyuma yuko amakipe yombi atsinze imukino wanyuma ya shampiyona kugira ngo ashimangire kuza mu myanya ine ya mbere(big four) itanga iyi tike.

Bitwe ni byavuye mu mikino yo kuri iki cyumweru, United na Chelsea ziyongere kuyandi makipe yo yari yarabonye iyi tike ariyo Liverpool yegukanye igikombe ndetse na Manchester City iri ku mwanya wa kabiri, iyi kipe bakunda kwita "amashitani atukura"(Man United) ikaba yongeye gusubira mu iri rushanwa(Champions League) nyuma yo kurangiza gatandatu muri shampiyona ishize.

Hagati aho Leicester City na Tottenham berekeje muri Europa League nyuma y’ibyavuye mu mikino y'uyu munsi, naho naho ikipe ya Wolves igiye gutegereza ibizava mu mu kino wanyuma wa FA Cup , uzagena indi kipe izajya muri Europa League.

United ishimangiye umwanya wa gatatu nyuma  yuko itsinze Leicester ibitego 2-0, ibitego byagiyemo mu gice cya kabiri.

Hagati aho, Chelsea yabonye umwanya wa kane nyuma yo gutsinda Wolves ibitego 2-0, Chelsea yari yaje gukina izi ko ikineye amanota y'uyu munsi kugira ngo ibashe kubona umwanya ubahesha tike yo kuzakina irushanwa rkomeye i Burayi(Champions League).

Gutsindwa kwa Wolves bwatumye Tottenham yifatira umwanya wa gatandatu bitewe nyuma y'uko yo yari imaze kunganya na Crystal Palace igitego 1-1 .

Kubera iyo mpamvu, Spurs yahise ijya ku mwanya wa gatandatu uyemerera kujya muri Europa League, mugihe Wolves izategereza ko Chelsea itsinda Arsenal ku mukino wa nyuma wa FA Cup muri wikendi itaha kugirango irebe niba nayo yajya muri Europa League.

APR FC imaze kwerekana abakinnyi yasinyishe bashya barimo Yannick Bizimana wakiniraga Rayon Sports | rwandaroundup

Ubuyobozi bw’ikipe ya APR FC bwerekanye abakinnyi bashya baguze muri uyu mwaka wa shampiyona barimo Bizimana Yannick wahoze akinira Rayon Sports na Nsanzimfura Keddy wakiniraga Kiyovu Sports.

Iki gikorwa cyabereye ku cyicaro cy’iyi kipe ku Kimihurura cyari kitabiwe n'umunyamabanga wa APR FC Lt col Sekaramba Silvestre hamwe n’umutoza mukuru wa APR FC Adil Mouhamed Erradi.

Amazina y'abakinnyi berekanywe barimo Ndayishimiye Dieudonne na Ruboneka Bosco bavuye muri As Muhanga, Bizimana Yannick wakiniraga Rayon Sports hamwe na Nsanzimfura Keddy wakiniraga Kiyovu Sports.

Aganira n'itangazamakuru, umunyamabanga wa APR FC yatangaje ko babonye ari abakinnyi beza kandi ko bizeye ko bazabafasha mu mwaka utaha wa shampiyona.

Abayobozi b'iyi kipe(APR FC) batangaje ko banazamuye umunyezamu Ishimwe Jean Paul wakinaga mu ikipe y’Intare, ariko ngo Sugira Ernest we yamaze  kubwirwa ko atagikenewe muri iyi kipe ariko ngo bizasaba ko hagira ikipe imwifuza kugira ngo babe bamutanga.

Umutoza wa APR FC Adil Mouhamed Erradi we yavuze ko bishimira ko bazanye abakinnyi bashya kandi ko na we yagize uruhare mu kubazana, anavuga ko  yihaye intego yi kugera mu matsinda mu marushanwa nyafurika.

Nabanza nkabifuriza ikaze. Ni abakinnyi beza, bamenyereye shampiyona y’u Rwanda twizera ko bazadufasha cyane mu myaka iri imbere, turishimira uko umwaka ushize wagenze, turashaka ko umwaka utaha tuzatwara ibikombe tukanagera mu matsinda ya Champions League "Adil Mouhamed Erradi".

Umutoza wa APR FC  Adil Mouhamed Erradi(hagati) yihaye intego yo kugeza iyi kipe mu matsinda ya Champions league

APR FC ni ikipe yari ihagaze neza umwaka ushize kuko shampiyona yahagaze nta mukino numwe iratsindwa,umutoza wayo akaba yarasabyeko yakongeramo abakinnyi bake ariko bakiri bato.

Iyi kipe ikunze kunengwa ko iba nziza imber mu gihugu ariko yagera hanze ntirenge umutaru,ikaba ari nayo izasohokera u Rwanda muri CAF Champions league.

Naomi Osaka niwe mukinnyi w'umukobwa uhembwa amafaranga menshi ku isi - rwandaroundup

Umukinnyi wa tennis Naomi Osaka ku myaka 22 niwe mukinnyi uhembwa amafaranga menshi ku isi mu bakinnyi b'abategarugori.

Naomi Osaka

Nk’uko ikinyamakuru Forbes Magazine ibitangaza , Osaka watsinze Serena Williams muri US Open muri 2018, bigatuma abona igikombe cya mbere cya Grand Slam, yinjije miliyoni 37.4 z'amadolari mu mezi 12 ashize akaba ari amafaranga yakuye mu bihembo ndetse no kwamamaza. Serena Williams we yinjije hafi miliyoni 36 z'amadolari.

Usibwe ibikombe bwinshi bikomeye yatsindiye, Osaka ubu ari ku mwanya wa 29 mu bakinnyi 100 bahembwa menshi ku isi, mu gihe Serena Williams aza ku mwanya wa 33 mu makinnyi b'abakobwa bahembwa menshi.

Mbere, umutegarugori wahembwaga menshi mu bategarugore ni Umurusiya Maria Sharapova, winjije miliyoni 29.7 z'amadolari muri 2015.

Ukurikije urutonde rw'umwaka ushize , Umunyarijantine ukinira FC Barcelona niwe mu kinnyi uhembwa amafaranga menshi ku isi, kuko yinjije miliyoni 127 z’amadolari.

Gasogi United yasinyishije rutahizamu wa Mukura Victory Sports Iradukunda Bertrand

Ku mugoroba wo kuwa Mbere nibwo byavuzwe ko Iradukunda Bertrand yumvikanye na Gasogi United nk’uko byemezwaga n’inshuti z’uyu mukinnyi.

Gasogi United ikaba yasinyishije uyu rutahizamu wa Mukura Victory Sports, Iradukunda Bertrand, ku masezerano y’imyaka ibiri ndetse imwerekana kuri uyu wa Kabiri tariki ya 19 Gicurasi 2020.

Ku gicamunsi cyo kuri uyu wa Kabiri, Perezida wa Gasogi United, Kakooza Nkuriza Charles (KNC), yasinyishije Iradukunda Bertrand ndetse amwerekana afite umwambaro w’iyi kipe.

Yabaye umukinnyi wa mbere mushya werekeje muri iyi kipe iheruka kongerera amasezerano abarimo Kwizera Aimable ukina mu mutima wa ba myugariro na Herron Berrian ukina hagati.

Gusa, Gasogi United ishobora gutandukana n’umunyezamu wayo wa mbere, Kwizera Olivier ushobora kwerekeza hanze y’u Rwanda, aho bivugwa ko yifuzwa na AS Vita Club yo muri Repubulika Iharanira Demokarasi ya Congo.

Ubwo yasinyaga