Jeff Bezos abaye umuntu wa mbere ufite umutungo ungana na miliyari 200 z'amadolari ku isi - rwandaroundup

Umuntu ukize cyane ku isi,Jeff Bezos, kuri ubu yongeye gushyiraho akandi agahigo.

Mu gihe imigabane ya Amazon yazamutseho 2% guhera ku gicamunsi cyo ku wa gatatu, umutungo wa Bezos wiyongereyeho miliyari 4.9 z'amadolari, bigatuma uyu mugabo w'imyaka 56 aba umuntu wa mbere ku isi ugejeje kuri miliyari 200 z'amadorali.

Kuva ku wa gatatu, ku isaha ya saa1h50, uwashinze akaba n'umuyobozi mukuru wa Amazon afite umutungo ungana na miliyari 204.6 z'amadolari y'Amerika, akaba arusha hafi miliyari 90 z'amadolari umuherwe wa kabiri ukize ku isi, Bill Gates , kuri ubu ufite umutungo ungana na miliyari 116.1.

Forbes ivuga ko uyu umutungo wa Bezos ariwo munini wigeze kwegeranywa n'iki kinyamakuru. 

Umuntu uza hafi ni Bill Gates, wabaye umuntu utunze hejuru ya miliyari ijana(centibillionaire) wambere kwisi.  Ubwo Microsoft yageraga ku rwego rwo hejuru muri 1999 umutungo wa Gates warengenze miliyari 100 z'amadolari, hafi miliyari 158 z'amadolari y'uyu munsi.

Bitewe no kwiyongera kw'abaguzi biturutse ku cyorezo cya coronavirus, imigabane ya Amazon yazamutse hafi 80% kuva uyu mwaka watangira, kandi umutungo wa Bezos wari ufite agaciro ka miliyari 115 z'amadolari ku ya 1 Mutarama, warazamutse cyane.

Imigabane ya Bezos hafi 11% muri Amazon niyo igize 90% by'umutungo we. Afite kandi ikinyamakuru"Washington Post" , isosiyete ikora ibijyanye n'isanzure(aerospace) kitwa "Blue Origin" hamwe n’ishoramari ryigenga.

Forbes itangazako Bezos yakabaye ari umukire birenze ibi iyo ataza gukora gatanya  yahenze mumateka umwaka washize.

Igihe yatandukanyaga n'uwahoze ari umugore we, MacKenzie Scott, muri Nyakanga umwaka ushize, yemeye kumuha 25% by'imigabane ye muri Amazon, igice kinini cy'imigabane ubu gifite agaciro ka miliyari 63. Ndetse nyuma yaje no gutanga miliyari 1.7 z'amadolari yo gufasha abatishoboye mu ntangiriro z'uyu mwaka, Scott kuri ubu ni we muntu wa 14 ukize ku isi akaba n'umugore wa kabiri mu bagorw babaherwe ku isi, akaba aza inyuma ya Françoise Bettencourt Meyers. 

Bezos ntabwo ariwe wenyine wahiriwe n'ikoranabuhanga . Ku wa kabiri , Mark Zuckerberg washinze Facebook yinjiye mu ruhando rw'abatunze miliyari 100 z'amadolari, kuko kuri ubu afite miliyari 103.1 z'amadolari nyuma yo kongera miliyari 3.4 z'amadolari mu mutungo we umunsi umwe, nyuma yuko imigabane ya Facebook izamutse mu gaciro.

Forbes ivugako ubu ku isi aribwo hariho abatunze miliyari ziri hejuru 100 z'amadolari benshi kuruta indi myaka yashize.

Huawei yamaze guhita kuri Samsung mu gucuruza telefone zigezweho nyinshi ku isi - rwandaroundup

Ku nshuro ya mbere, Huawei yagurishije telefoni zigendanwa nyinshi ku isi mu gihembwe kimwe kurusha ayandi masosiyete yose, nk'uko raporo nshya y’ikigo  gikora ibijyanye n'isesengura "Canalys" kibitangaza.

Huawei imaze igihe kinini ifite icyifuzo cyo kurenga Samsung nk'umugurisha wa terefone nyinshi ku isi, kandi ukurikije imibare yatanzwe na Canalys, nibyo byabaye mugihe cya Mata na Kamena uyu mwaka.

Ntabwo bivuze ko Huawei izakomeza kumwanya wambere, kuko kwiyongera kwatewe n'icyorezo cya COVID-19 cyugarije isi. Imibare ya Canalys ivugako miliyoni 55.8 za telefone zigendanwa za Huawei zoherejwe hanze y'Ubushinwa wagabanutseho 5% umwaka ushize, mu gihe Samsung wagabanutseho 30% igera kuri miliyoni 53.7.

Ibice birenga 70 kw'ijana by'ibikoresho bya Huawei ubu bigurishwa mu Bushinwa, bikaba byaratumwe itibasirwa cyane na COVID-19 kimwe nka Samsung. Hagati aho, Samsung ikaba ifite isoko rito mu Bushinwa.

Huawei ikaba yatangajeko m"ubukungu bwifashe nabi cyane ku isi ndetse n'ibibazo yakomeje guhura nabyo, bakomeje kongera no kurushaho kunoza umwanya w'ubuyobozi batanga ibicuruzwa bishya ndetse biramba ku baguzi."

Umusesenguzi mukuru wa Canalys, Ben Stanton, akaba agira ati: "Iki ni igisubizo kidasanzwe abantu bake batari gutecyereza umwaka ushize." Ati: "Iyo itaba COVID-19, ntabwo byari kubaho. Huawei yifashishije byimazeyo ubukungu bw’Ubushinwa kugira ngo igarure ubucuruzi bwa terefone. ”

Gusa Samsung yavuze ko iteganya kugurisha neza mu gihembwe gitaha bitewe na terefone nshya izashyira ku isoko. Ariko imbaraga za Huawei mu Bushinwa zerekana ko igitutu cyo gukomanyirizwa mu bihugu bimwe na bimwe bitarabangamira ubucuruzi bw’abaguzi batari mu Bushinwa.

Jeff Bezos akomeje kwanikira abakize ku isi | Jeff Bezos yongereye miliyari 13 z'amadolari ku mutungo we umunsi umwe

Jeff Bezos yongeyeho miliyari 13 z'amadorali ku mutungo we kuri uyu wa mbere, akaba ari ubwa mbere bibayeho ko umuntu yinjiza amafaranga angana atyo umunsi umwe, kuva Bloomberg Billionaires index yatangira gusohora uru rutonde mu 2012. 

Bwabaye ubwo umugabane wa amazon.com wazamukagaho 7.9%, kuva mu Kuboza 2018 uru rubuga rwakomeje kuzamuka ku isoko ry'imqri n'imigabane.

Bezos, washinze amazon.com ufite imyaka 56 akaba n'umuntu ukize kurusha abandi ku isi, umutungo we wiyongereyeho miliyari 74 z'amadolari muri 2020 ugera kuri miliyari 189.3 z'amadolari. Ubu ku giti cye afite amafaranga arenze agaciro k’isoko ry'amakompani akomeye ku isi nka Exxon Mobil Corp., Nike Inc. na McDonald's Corp.

Ku wa mbere, Mackenzie Bezos, wahoze ari umugore we, yinjije miliyari 4.6 z'amadolari none ubu akaba ari umuntu wa 13 mu baherwe ku isi.

Ubu bwiyongere buterwa ahanini n'uko abantu bahatirwa kuguma mu rugo kubera COVID-19, hakaba n'amasoko iyi kampani ihabwa na leta ndetse n'amabanki.

Naho umuyobozi mukuru wa Facebook Inc., Mark Zuckerberg yongeyeho hafi miliyari 15 z'amadolari ku mutungo we muri uyu mwaka.

Urutonde rw'abantu 10 bakize ku isi n'ayo batunze:

 Izina                                     Ayo atunze

1. Jeff Bezos                $189 billions
2. Bill Gates                  $118  billions
3. Bernard Arnault       $94.7 billions
4. Mark Zuckerberg    $93.1 billions
5. Steve Ballmer          $76.1 billions
6. Elon R Musk            $74.5 billions
7. Larry Page               $73.8 billions
8. Mukesh Ambani     $72.1 billions
9. Warren Buffett        $72.1 billions
10. Sergey Brin              $71.5 billions

Ubushinwa bugiye kubaka stade nini ku isi | ikazatwara miliyari 1.7 z'amadorari

Mu gihe Ubushinwa bwatangiye kohereza abaturage buhoro buhoro ku kazi, ikipe y’umupira w'amaguru mu Bushinwa "Guanzhou Evergrande" yatangije umushinga wa miliyari 1.7 z'amadolari yo kubaka sitade nini y'umupira w'amaguru ku isi, biteganijwe ko izarangira mu 2020.

Sitade ya Guanzhou Evergrande izakira abarenga 100.000 bicaye neza

Ku wa kane ,ikipe y'umupira w'amaguru mu mukiciro cya mbere (Super League) mu Bushinwa "Guangzhou Evergrande"  yatangiye kubaka sitade izaba izwi ku izina rya "Flower City" ikazaba ariyo nini y'umupira w'amaguru ku isi kuko izaba ifite imyanya 100.000 bicaye neza,imyanya 16 ya VVIP, 152 VIP, igice cyahariwe abashyitsi ba FIFA ndetse n'ibindi byinshi. 

Guangzhou Evergrande ifitwe na "Evergrande Real Estate Group" , isosiyete nini ikora ibijyanye n'ubwubatsi mu Bushinwa ikaba yarinjije miliyari 65 z'amadorari mu mwaka wa 2019. 

Perezida wa Evergrande,Xia Haijun akaba yagereranyije iyi Sitade nk'inzu ya Sydney Opera House cyangwa Burj Khalifa y'i Dubai zikaba ari inzu z'agatangaza ku isi.

Guangzhou Evergrande isanganwe Sitade yitwa Tianhe ifite imyanya 58.500.

Amwe mu mabanga Jeff Bezos yakoresheje kugirango abe umuntu ukize kurusha abandi ku isi - rwandaroundupnews

Uwashinze akaba n'umuyobozi w'urubuga rw'ubucuruzi bwo kuri internet rwa Amazon"Jeff Bezos" yavutse kuri 12 Mutarama 1964 muri Leta zunze ubumwe za America.

Yatangiye urubuga rwa Amazon.com mu 1994,ku gishoro kigera hafi ku 100,000 by'amadolari y'Amerika akuye mu mutungo we bwite no mu mafaranga y'umuryango we.

Nyuma yo kubona imibare yagaragazaga kwiyongera kwihuse kw'ikoreshwa rya internet, yahise ava mu kazi keza ko mu kigo cy'ishoramari ubwo yari afite imyaka 30 y'amavuko.

Umugore we MacKenzie na we yahise amukurikira muri Amazon, bombi bakaba bari baramenyaniye muri icyo kigo cy'ishoramari cya DE Shaw bakoragamo i New York.

Batandukanye mu mwaka ushize wa 2019 binyuze muri gatanya (divorce) yagarutsweho cyane n'ibitangazamakuru bikora inkuru zijyanye n'ubucuruzi,bakaba bari bamaze kubyarana abana bane.

Muri uko gutandukana kwabo, MacKenzie yahawe miliyari 38 z'amadolari y'Amerika arimo no kugira umugabane wa 4% muri Amazon.

Mu kwezi kumwe amaze gutangiza Amazon, yari yamaze kubona 'commandes' zo kugemura ibicuruzwa muri leta 50 zose zigize Amerika ndetse no mu bihugu 45 ku isi.

Ayo makuru akubiye mu gitabo 'The Everything Store: Jeff Bezos and the Age of Amazon' kivuga ku buzima bwe bwite, cyanditswe na Brad Stone, cyasohotse mu mwaka wa 2013.

Mu myaka itanu ya mbere Amazon ibayeho, konti z'abakiliya bayo zavuye ku madolari 180,000 zigera kuri miliyoni 17 z'amadolari.

Abashoramari b'ibyamamare bahise babyiganira mu gushora imari muri Amazon ubwo internet yari imaze gushinga imizi mu bice byinshi by'isi.

Yatangiye gukora ku mugaragaro mu mwaka wa 1997, ihita ikusanya miliyoni 54 z'amadolari.

Ndetse ihindura Bwana Bezos, wahoze afasha mu gufunga neza ibitabo byaguzwe, umwe mu bagabo b'abaherwe ku isi ataranagira imyaka 35 y'amavuko.

Mu mwaka wa 1999, ikinyamakuru Time Magazine cyagize Bwana Bezos umwe mu rubyiruko rwaranze uwo mwaka ku isi.

Ikinyamakuru Time Magazine cyamuhaye akabyiniriro k'"umwami w'ubucuruzi bwo kuri internet".

Ubu, Jeff Bezos w'imyaka 56, afite umutungo ubarirwa muri miliyari 138 z'amadolari y'Amerika, nkuko bitangazwa na Bloomberg Billionaires Index.

Byatumye ashimangira umwanya we nk'umuntu wa mbere ukize cyane ku isi.

Covid-19:Leta y'u Rwanda igiye gushyiraho ikigega kizafasha abikorera bagizweho ingaruka na Coronavirus

Abikorera bafite ibikorwa byagizweho ingaruka cyangwa byahagaritswe biturutse ku cyorezo coronavirus vuba aha bazabona igishoro cyizava mu kigega kidasanzwe kizashyirwaho na guverinoma y'u Rwanda.

Minisitiri w’imari n’igenamigambi,

Dr. Uzziel Ndagijimana yavuze ko abatekinisiye n’abafatanyabikorwa ba minisiteri barimo gukora ku kigega cyo kuzamura ubukungu.

Kimwe n'ahandi ku isi, ubukungu bw'u Rwanda bwagize ingaruka kubera gufunga kwashyizweho kugira ngo Coronavirusi ikwirakwizwa.

Mu nzego zagizweho ingaruka cyane harimo ubukerarugendo, kwakira abashyitsi no mu bucuruzi.

Iki kigega kigiye gushingwa kizaza gikenewe kugirango abashoramari babone igishoro cyane cyane ibigo bito n'ibiciriritse bizakenera gusubukura cyangwa gutangira ibikorwa byabo.

Ikigega kizaza gikenewe ku bigo bizakenera igishoro cyo kubona ibikoresho, guha akazi abakozi no gushaka amasoko yandi cyangwa guhindura imishinga yabo.

Abayobozi baracyareba ibisabwa kugira ngo babone abagenerwabikorwa.

Bitewe n’ingengo y’imari ya Banki nkuru y’igihugu kugira ngo yongere ubwishingizi ku batanga inguzanyo, banki zindi zavuze ko zizorohereza abakiriya bazo kwishyura inguzanyo.

Ku wa kane w'iki cyumweru,

ikigega mpuzamahanga cy'imari (IMF) cyemereye u Rwanda inguzanyo ingana na miliyoni 109.4 z'amadolari y'America kugira ngo bizafashe leta nyuma ya COVID19.

Banki ya Kigali(BK) yinjije miliyari 37.3 rwf z'inyungu muri 2019 - rwandaroundupnews