The Rock niwe uyoboye urutonde rw'abakinnyi ba filime bahembwa menshi ku isi - rwandaroundup

Kabonwe n'ubwo icyorezo cya COVID-19 cyahagaritse ibikorwa bya Hollywood, Dwayne Johnson uzwi nka The Rock aracyari umukinnyi wa filime uhembwa amafaranga menshi muri uyu mwaka

Nkuko tubikesha "Forbes",Johnson yaje ku isonga ku rutonde rw'abagabo bakina filime binjiza amafaranga menshi, urutonde rwashyizwe ahagaragara kuri uyu wa kabiri.

Uyu ni umwanya ajeho nyuma yo gufata sheke y'amafaranga angana na miliyoni 87,5 z'amadolari yahawe na Netflix kubera filime yakinnye igakundwa cyane yitwa Red Notice , filime yanakinwemo na Gal Gadot kumwe Ryan Reynolds . Johnson, aje kuri uyu mwanya ku nshuro ya kabiri yikurikiranya.

Ryan Reynolds, wakinnye filime nka Red Notice na 6 Underground , yaje ku mwanya wa kabiri na miliyoni 71.5 z'amadolari. 

Mark Wahlberg , wakinnye Spenser Confidential , yaje ku mwanya wa gatatu na miliyoni 58 z'amadolari. 

Ben Affleck , wakinnye "The last thing he wanted", yaje ku mwanya wa kane na miliyoni 55 z'amadolari. 

Vin Diesel , yakoze filime yakunzwe cyane kuri Netflix yitwa "Fast & Furious" , yaje ku mwanya wa gatanu na miliyoni 54 z'amadolari.

Akshay Kumar, umukinnyi umwe rukumbi wo muri Bollywood akaba aza ku mwanya wa gatandatu hamwe na miliyoni 48.5 z'amadorali. 

Lin-Manuel Miranda ku mwanya wa karindwi na 45.5 miliyoni z'amadolari. 

Will Smith twamenye muri filime nka "Bad Boys For Life star" ku mwanya wa munani hamwe na miliyoni 44.5 z'amadorali. 

Adam Sandler wakinnye filime nka "Uncut Gems star" akaba yaje ku mwanya wa cyenda hamwe na miliyoni 41 z'amadolari.

Jackie Chan, umukinnyi mpuzamahanga w'imikino yo kurwanada we yaje ku mwanya wa 10 hamwe na miliyoni 40.

Hari imishinga myinshi yategurwaga muri 2020, ariko imyinshi yagiye yimurirwa mu 2021, harimo na "Jungle Cruise" ya Johnson .