COVID-19: 1/3 cy'abarwayi ba Coronavirus bagira ikibazo cyo kwipfundika kw'amaraso(thrombosis) - rwandaroundupnews

Impuguke mu buvuzi bw'abantu zivuga ko abagera kuri 30% by'abarwayi barembye mu bitaro ba coronavirus bari kugenda bagira ikibazo gikomeye cyo kwipfundika kw'amaraso.

Izo mpuguke zivuga ko uko kwipfundika kw'amaraso kuzwi nka 'thrombosis' gushobora kuba kugira uruhare mu mubare w'impfu.

Kubabuka cyane kw'ibihaha ni ko ubusanzwe bigenda ku mubiri iyo uhanganye na virusi ni byo bitera uko kwipfundika kw'amaraso.

Abarwayi ba Covid-19 ku isi bagira ibibazo byinshi by'ubuzima kubera ubu bwoko bushya bwa coronavirus butera iyo ndwara. Bimwe muri ibyo bibazo bishobora kubaviramo urupfu.

Mu kwezi kwa gatatu uyu mwaka, ubwo coronavirus yari irimo gukwirakwira mu bice bitandukanye byo ku isi, abaganga batangiye kubona ikigero kiri hejuru cyane cyo kwipfundika kw'amaraso mu barwayi bagana ibitaro kurusha uko byari bisanzwe.

Ndetse hari n'ibindi byatunguye abo baganga, birimo nko gutahura udupfundo tw'amaraso mu bihaha by'abarwayi bamwe na bamwe.


Iyi virusi kandi yanongereye umubare w'abarwaye ukwipfundika cyane kw'amaraso kuzwi nka "deep vein thrombosis (DVT)" gukunze kugaragara mu kaguru gushobora kuvamo gutakaza ubuzima mu gihe uduce twikase tukazamuka mu mubiri tukagera mu bihaha, tukaziba imiyoboro y'amaraso.


Iyo mpinduka mu maraso iterwa no kubabuka mu bihaha - uko kubabuka kukaba gusanzwe kubaho iyo umubiri uri guhangana na virusi.

Profeseri Beverley Hunt, impuguke mu bijyanye n'indwara yo kwipfundika kw'amaraso, avuga ko amaraso afatiriye ari kugira ingaruka zirenze kwipfundika kw'amaraso.

Avuga ko biri no gutuma habaho ikigero kinini cy'abarwaye indwara y'imitsi yo mu bwoko n'indwara y'umutima.

Madamu Hunt avugako amaraso afatiriye ari kugira uruhare mu mubare uri hejuru w'impfu.