Cristiano Ronaldo ashobora kuva Juventus kubera ikibazo cy'amikoro nyuma coronavirus

Cristiano Ronaldo wamaze kwemera gukatwa umushahara  angana na £538.000-buri cyumweru muri Juventus, ariko iyi kipe ishobora no kumugurisha?

Cristiano Ronaldo

Bivugwa ko Juventus itekereza kugurisha iki kirangirire muri ruhago, Cristiano Ronaldo mu rwego rwo gushaka amafaranga yo kubaho nyuma ya coronavirus.

Nka kimwe mu bihugu byibasiwe cyane ku isi, Ubutaliyani na Serie A byahunganyijwe cyane n’icyorezo cya Covid-19.

Nta mupira w'amaguru wigeze witabirwa kuva ku ya 9 Werurwe, ubwo imikino myinshi yakinwaga nta mufana wemerewe kuza muri sitade.

Guhagarika imikino byateje ibihombo by'amafaranga, kuko amakipe yahise ahatirwa gufata ingamba zo guhagarika imikino mu Burayi.

Juventus imaze kugabanya umushahara w'abakinnyi n’abatoza, imibare ikekwa ko yagabanutseho 70%.

Ariko ikinyamakuru cyo mu Butaliyani Il Messaggero kivuga ko Juventus ishobora no kwitabaza kugurisha Ronaldo, ikaba imushakamo agera kuri £62.5million kuri uyu mugabo w’imyaka 35 kugira ngo ibone amafaranga yo kuyifasha nyuma ya Covid-19.

Ariko nta kipe iragaragaza ko ishaka uyu mu kinnyi.

Juventus yasohoye itangazo risobanura impamvu bagombaga gufata icyemezo cyo gusaba abakinnyi n'abatoza kugabanya umushahara.

Iri tangazo ryagize riti: "Ikipe y’umupira w'amaguru ya Juventus SpA iratangaza ko, kubera ikibazo cy'ihutirwa cy’ubuzima ku isi kibuza ibikorwa by’imikino, twumvikanye n’abakinnyi n’umutoza w’ikipe ya mbere ku bijyanye n’umushahara wabo ku gice gisigaye cya shampiyona y'ubu".

Ubwumvikane buteganya kugabanya kugabanya umushahara wo muri Werurwe, Mata, Gicurasi na Kamena 2020.

"Mu byumweru biri imbere, amasezerano ya buri mukinnyi n'umutoza azarangira, nk'uko bisabwa n'amabwiriza ariho".

Iyi kipe ikavugako imikino ya shampiyona iramutse isubukuwe, Ikipe izaganira nta n'abakinnyi ndetse n'umutoza uko bakongererwa umushahara wabo

"Juventus irashimira abakinnyi n'umutoza ubwitange bagize mu gihe kigoye kuri buri wese".