COVID-19: Ubushinwa bwanze ko hakorwa iperereza ku nkomoko ya Coronavirus

Ubushinwa bwanze ubusabe bwuko hakorwa iperereza mpuzamahanga ryigenga ku nkomoko y'iki cyorezo cya coronavirus cyugarije isi muri iki gihe.

Nkuko tubikesha BBC, Chen Wen, umudiplomate w'Ubushinwa wo ku rwego rwo hejuru muri ambasade yabwo mu Bwongereza, yavuze ko ubwo busabe bushingiye ku mpamvu za politike.

Yongeyeho ko byarangaza Ubushinwa mu rugamba burimo bwo kurwanya iki cyorezo.

Amakuru ku nkomoko ya Covid-19, indwara yo mu myanya y'ubuhumekero iterwa n'ubu bwoko bushya bwa coronavirus n'uburyo yakwirakwiriye mu ntangiriro, ashobora gufasha ibihugu mu kuyirwanya.

Byibazwa ko iyi virusi yakomotse mu isoko ricuruza ibikomoka mu mazi ryo mu mujyi wa Wuhan mu Bushinwa mu mpera y'umwaka ushize.

Soma n'yiyi:Kanye West yamaze kwinjira mu batunze miliyari ku isi

Ubushinwa bugiye kubaka stade nini ku isi

Icyegeranyo cy'umuryango w'ubumwe bw'Uburayi (EU/UE) gishinja Ubushinwa gukwirakwiza amakuru ayobya ajyanye n'iki cyorezo.

Ikigo cya EU gikurikirana ibikorwa byo hanze (External Action Service) kivuga ko Uburusiya, n'Ubushinwa ku kigero gito, "byohereje amakuru ayobya" muri EU no mu bihugu bihana imbibi nayo.

Perezida Donald Trump wa Leta Zunze Ubumwe z'Amerika na we yakomeje kugenda yibasira Ubushinwa ku buryo bwitwaye kuri iki cyorezo.

Ndetse na leta ya Missouri imwe mu zigize Amerika igiye kurega mu nkiko leta y'Ubushinwa, iyishinja kuba ari nkaho ntacyo yakoze mu guhagarika ikwirakwira ry'iyi virusi.

Abahanga mu bumenyi bwa siyansi bagiye bamagana amakuru ahwihwisa ko ubu bwoko bushya bwa coronavirus bwakorewe mu kigo cy'ubushakashatsi cyo mu mujyi wa Wuhan.

Bavuga ko nta gihamya ishingiye kuri siyansi ihari kugeza ubu ibyemeza.

Izindi nkuru wasoma:

Mu Rwanda hagaragaye abandi barwayi bane ba COVID-19