COVID-19: Indonesia bari gukoresha abazimu mu gutera abantu ubwoba ngo bagume mu rugo

Hari agace ko muri Indonesia bivugwako kari gukoresha abakorerabushake bambaye nk'abazimu mu kugerageza gutera abantu ubwoba ngo birinde kwegerana kandi bagume mu ngo zabo mu kwirinda Coronavirus.

Abakorerabushake babiri bambaye nk'abazimu bazwi nka "pocong"

Ahitwa Kepuh ku kirwa cya Java  guhera mu kwezi gushize batangiye kohereza abo bantu gukora n'ijoro. 

Muri Indonesia hari igitekerezo cy'abazimu bitwa "Pocong" bivugwa ko ari roho z'abapfuye zagumwe ku isi.

Muri Indonesia abantu barenga 4,500 babonywemo COVID-19 naho abarenga 400 imaze kubahitana nk'uko bivugwa na Kaminuza y'ubushakashatsi ya Johns.

Reuters itangazako umunyamakuru wayo yagiye ahantu hatandukanye kureba "Pocong" iri ku kazi gusa ngo ubu buryo bugitangira bwagize ingaruka mbi kuko abantu benshi basohokaga bajya kureba abo bazimu.

Gusa ubu abahatuye bavugako ubu biri gutanga umusaruro kuva aba bazimu batangira kubashyira ahantu kuburyo butunguranye.

Karno Supadmo utuye aho yabwiye Reuters ati: "Kuva pocong yahagera abana n'ababyeyi babo ntibava mu ngo kandi abantu ntibakiguma ku mihanda nyuma y'amasengesho ya n'imugoroba."

Iki gitekerezo ngo cyazanywe n'ukuriye urubyiruko muri aka gace afatanyije n'abapolisi.

Anjar Pancaningtyas yabwiye Reuters ko bashakaga ikintu gitandukanye gitanga umusaruro kandi pocong ziteye ubwoba.

Mu Buhinde, naho habonetse abapolisi bambara ingofero nini zifite ishusho ya Coronavirus mu kuburira abantu ububi by'icyi cyorezo.