COVID-19:Uganda habonetse umurwayi wa Coronavirus

Uganda yiyongere mubihugu byabonetsemo umurwayi wa Coronavirus muri Afurika y'Iburasir

Leta ya Uganda yaraye itangaje umurwayi wa mbere wa coronavirus, iki gihugu kikaba cyari kiri mu bihugu 2 byo muri Afurika y'uburasirazuba bitarage-rwamo na COVID-19.

Uwo murwayi ni umugabo ukomoka muri Uganda w'imyaka 36 y'amavuko wageze ku kibuga cy'indege mpuzamahanga cya Entebbe avuye i Dubai.

Mbere yo ku wa gatandatu, Perezida Yoweri Museveni wa Uganda yari yatangaje ingamba zikaze kurushaho ku mipaka yose y'iki gihugu, ingamba zijyanye no guhagarika ingendo.Ubwo uwo mugabo yageraga ku kibuga cy'indege mpuzamahanga cya Entebbe, yahindaga umuriro mwinshi - nyuma ibizamini byo kwa muganga biza kwemeza ko arwaye coronavirus.

Abandi bagenzi bari kumwe na we muri iyo ndege ya kompanyi ya Ethiopian Airlines bashyizwe mu kato nkuko bikorwa nk'itegeko muri iki gihugu. Abategetsi bavuga ko abo bari kugenzurwa.

Ku mugoroba w'ejo ku wa gatandatu, Perezida Museveni yatangaje ko ingendo zose z'indege zitwara abagenzi zerekeza mu gihugu ziza guhagarikwa guhera saa sita z'ijoro zo kuri iki cyumweru.

Kugeza mu gitondo cyo kuri iki cyumweru, muri aka karere u Burundi ni bwo busigaye butaragerwamo na coronavirus.

Ni mu gihe mu Rwanda abarwayi bayo ari 17, muri Tanzania biyongereye bagera kuri 12, muri Repubulika ya Demokarasi ya Kongo naho bageze kuri 30 bavuye kuri 23 - n'umugabo imaze kwica muri iki gihugu.