COVID-19 news:Mu Burundi bemejeko hagaragaye abarwayi babiri ba Coronavirus - rwandaroundupnews

Mu Burundi habonetse abarwayi ba Covid-19

Minisitiri w'ubuzima no kurwanya icyorezo cya SIDA mu Burundi yatangaje ko mu gihugu habonetse abantu banduye Coronavirus. 

Uyu mu Minisitiri, Dr Thaddée Ndikumana yavuze ko abo banduye ari abantu 2, u Burundi bukaba bwari mu bihugu bike byari bitaragaragaramo umurwayi wa coronavirus.

Akaba ari abagabo b'imyaka 56 na 42,ngo binjiye mu Burundi bavuye mu Rwanda n'i Dubai, bose bakaba ari Abarundi.

Kujyeza ubu mu Burundi nta mategeko abuza abantu gusohoka yari bwafatwe nk'uko biri mu bihugu bindi, keretse gusa kubaha impanuro zo kugira isuku.

Umuryango uharanira uburenganzira bwa muntu Human Rights Watch wari wavuzeko ko mu gihe hadatangwa amakuru nyayo kuri Covid-19 mu Burundi, abategetsi bari gushyira mu kaga gakomeye ubuzima bw'abantu benshi.

Mu itangazo ryasohowe na Human Rights Watch (HRW) uyu munsi kuwa kabiri, umuyobozi wawo muri Afurika yo hagati Lewis Mudge yagize ati:

"Kunanirwa gutanga amakuru nyayo ku bukana bw'iyi ndwara, uko yandura n'uburyo ikomeye,ni uburyo busanzwe bwo guhakana no kuyobya uburari mu gukemura ibibazo, [ariko] ni ukwirengangiza amasomo akomeye ahandi bari kuvana kuri iki cyorezo".