Banki ya Kigali(BK) yinjije miliyari 37.3 rwf z'inyungu muri 2019 - rwandaroundupnews

BK group muri 2019 yinjije inyungu ingana na miliyari 37.3 z'amafaranga y'u Rwanda hamaze kuvamo imisoro ,hiyongereyeho 36% ugereranije n'umwaka washize 2018.

Muri 2018, iyi Banki yari yinjije inyungu zingana na miliyari 27.4 z'amafaranga y'u Rwanda, mugihe yari yinjije miliyari 23.3 z'inyungu hakuweho umusoro muri 2017

Umuyobozi mukuru wa BK, Dr. Diane Karusisi, yavuze ko igihembwe cya nyuma cya 2019 cyagenze neza, aho bajyeze ku ntego bari bihaye zo kuzamuka mu mutungo no ku nyungu.

Muri 2019, "twageze kuri miliyari 37.3 z'amafaranga y'u Rwanda twinjijenk'inyungu,

twiyongereyeho 36.3 ku ijana umwaka ushize hamwe n'amafaranga 41.4  y'inyungu kuri buri mugabane. Hagati aho, umutungo wacu wose warenze tiriyari imwe y'amafaranga y'u Rwanda  nyuma yo kwiyongera kwa 19.3 ku ijana mu nguzanyo ndetse no ku bakiriya bacu kuva mu mwaka ushize ”.

Nk’uko raporo y’imari ya BK group ibigaragaza, amafaranga yinjiye mu mashami yose uko ari ane (Bank, BK General Insurance, BK TecHouse and BK Capital) yiyongereye ariko banki n’ubwishingizi aribyo byagize inyungu nyinshi.

Muri banki,inguzanyo yiyongereyeho 19.3 ku ijana kigera kuri miliyari 678.0 mu gihe ishoramari mu mpapuro za Leta naryo ryiyongereyeho 69,6 ku ijana umwaka ushize agera kuri miliyari 124.8.

Mu gihe ishami ry’ubwishingizi, amafaranga y’ubwishingizi

yiyongereye kuva kuri miliyari 6.2 mu mwaka wa 2018 agera kuri miliyari 7.3 mu mpera za 2019, izamuka rya 16%.

Dr. Diane Karusisi, yavuze ko BK group ikomeje kwitegura gukorana n’abikorera kugira ngo bashore imari mu gihe igihugu gishaka kwikura mu bibazo, nyuma ya COVID-19.