Barcelona igomba guha Liverpool Miliyoni 4.5 z'Amapawundi kuberako Philippe Coutinho yatwaye Champions League hamwe na Bayern Munich - rwandaroundup

Ikipe ya Barcelona ntiyigeze itekereza kuri iyi ngingo mugihe yatizaga umukinnyi wayo muri Bayern, hari imwe mu ngingo mu masezerano ya Philippe Coutinho ivuga ko Barcelona igomba kwishyura Liverpool amafaranga mugihe yaba atwaye igikombe cya Champions League muri uyu mwaka.

Coutinho yateye ipfunwe ikipe ya Barca i Lisbonne, ubwo yavaga ku ntebe y'abasimbura birangira atsinze ibitego bibiri bya nyuma ubwo Bayern Munich yatsindaga Barcelona 8-2 nk'uko isi yose yabirebaga.

Niba ibyo bidahagije, Barca noneho igomba kwishyura ikipe yahoze ikinira ya Liverpool kuberako Coutinho yatwaye Champions League.

Ingingo nyinshi zinjijwe mu masezerano y'uyu munyaburezili ubwo Barca yamukuraga Anfield, bigatuma aba umukinnyi wabo uhenze cyane kurusha abandi bose hamwe na miliyoni 140 z'Amapound.

Ikipe ya Liverpool yateganije ko Barca izishyurwa angana na miliyoni 4.5 z'amapowundi (€ 5m) mu gihe Coutinho yaba atwaye kimwe mu bikombe bikomeye i Burayi.

Nyuma y'umwaka wa mbere i Cataloniya aho atabashaga kubona umwanya wo gukina mu ikipe nkuru, Coutinho yoherejwe i Munich ku ntizanyo.

Abadage bari bafite amahitamo yo kuba banamugura, ariko bagaragaje ko batamukeneye.

Coutinho yatsinze ibitego umunani anatanga assists esheshatu mu mikino 23 ya Bundesliga uyu mwaka.

Coutinho yatsinze ibitego 2 aje asimbuye ubwo Bayern yatsindaga Barca 8-2

Afite kandi ibitego bitatu na assistes eshatu mu mikino icyenda ya Champions League.

Coutinho yiteguye gusubira i Barca muriyi mpeshyi, aho agomba kwakirwa n'umutoza mushya.