Iran yakoze drone zishobora kugera muri Isiraheli mu rwego rwo gutera America ubwoba

Minisiteri y’ingabo y’igihugu cya Irani yashyize ahagaragara indege nyinshi zitagira abapilote mu mpera z'iki cyumweru ku cyicaro cy'iingabo zirwanira mu kirere.

Ababil-3

Nk’uko Leta ya Iran ibivuga, indege zitagira abapilote zifite ubushobozi bushya, kandi zishobora kuguruka ibirometero birenga 1.000, bivuze ko zishobora kugera muri Isiraheli ziva muri Irani.

Irani yatangiye gukora drone kuva mu mwaka wa 1980 ,ikaba ikunda kugaragaza udushya mu ntambara yo gukora izi ndege zitagira abapilote. Iherutse gukoresha indege zitagira abapilote 25 na misile mu gutera Arabiya Sawudite muri Nzeri umwaka ushize, kandi izo ndege zikaba zarananyuze mu kirere cya Isiraheli.

Iyitwa Karrar

Ku wa gatandatu,Minisitiri w’ingabo muri Irani Brig.-Gen. Amir Hatami yerekanye drone avuga ko indege ishobora kuguruka ku muvuduko wa kilometero 900 ku isaha, ku butumburuke bwa metero 12.000.

Izi zikaba zahangana n'indege zitagira abapilote zigezwwho Amerika n'ibindi bihugu bikomeye bakoresha ubu. Yavuze ko izo ndege zishobora kuguruka amasaha menshi.

Amir Hatami akaba yarongeye ati: "ubu ni ubutumwa kuri Isiraheli, Amerika n'abandi bafatanyabikorwa babo" Dushobora kubageraho

Iyitwa Naseh

Kubera ko Irani idafite ingabo zikomeye cyane, indege zitagira abapilote zikoreshwa mu gutera ubwoba abanzi. Iran ikoresha izi ndege kugira ngo ibangamire ibitero ihereye ku bikorwa remezo byo mu bindi bihugu.

Iyitwa Atlas

Irani yakomeje gutera ubwoba Isiraheli binyuze mu mutwe w'iterabwoba wa Hezbollah.