Coronavirus:Umwana w'amezi 10 ari muri 6 biyongereye mu banduye COVID-19 mu Rwanda-rwandaroundup

Mu itangazo Minisiteri y'ubuzima mu Rwanda yaraye ishyize yanze mu ijoro ryo kuri uyu wa gatanu, rivugako habonetse abandi bantu 6 bafite Coronavirus, byatumye umubare w'abanduye mu Rwanda ugera kuri 17.

Iri tangazo rivugako abo bayanduye ari abaturutse mu mahanga mu gihe gishize n'ejo hashize.

Rikomeza rivugako abo bantu barimo:

• Umufaransakazi w'imyaka 30 n'umwana we w'amezi 10. Uyu uwo bashakanye ari mu bantu baheruka kuyisangamo mu minsi ishize

• Umwana w'amezi 10 ni we muntu muto ugaragaweho coronavirus mu Rwanda kuva iyi ndwara yahaboneka kuwa gatandatu w'icyumweru gishize.

• Undi ni Umunyarwanda w'imyaka 32 wageze mu Rwanda aturuka i Dubai tariki 19/03/2020.

• Umugabo wo muri Suwedi (Suède/Sweden) wageze mu Rwanda tariki 03/03/2020 ariko akagaragaza ibimenyetso tariki 18/03/2020.

• Umugabo w'Umunyarwanda w'imyaka 32 usanzwe akora ingendo mu mahanga wagaragaje ibimenyetso tariki 18/03/2020.

• Umugabo w'Umunyarwanda w'imyaka 24 wageze mu Rwanda tariki 19/03/2020 avuye mu Buhinde anyuze i Doha muri Qatar.

Minisiteri y'ubuzima mu Rwanda ivuga ko aba na bo barikuvurirwa ahabugenewe,ikanasaba  abantu bose bageze mu Rwanda mu byumweru bibiri bishize kwishyira mu kato mu gihe cy'iminsi 14 guhera igihe bagereye mu Rwanda bagakurikiza amabwiriza yatanzwe.

Dukomeze kurwanya ikwirakwira rya COVID-19 tukurikiza inama tujyirwa na Minisiteri y'ubuzima.