Coronavirus:Mu Rwanda hagaragaye umurwayi umwe wa COVID-19 uyu munsi - rwandaroundupnews

Minisiteri y'ubuzima mu Rwanda imaze gutangazako uyu munsi habonetse umurwayi umwe wanduye Coronavirus.

Abanduye iyi virus bamaze kuba 41.

Minisante ivugako uyu muntu yageze mu Rwanda aturutse i Dubai agahita ashyirwa mu kato.

 Umubare munini w'abanduye iyi ndwara mu Rwanda ni abaje baturutse mu mahanga kuva mu ntangiriro za Werugwe.

Mu kwirinda ikwirakwira ry'iyi ndwara, leta y'u Rwanda yafashe ingamba zo guhagarika ibikorwa byinshi by'ubuzima b'usanzwe mu gihugu cyose, bikazamara ibyumweru bibiri bishobora kongerwa.

Leta y'u Rwanda irasaba abaturage gukomeza gukirikiza no kubahiriza ingamba n'amabwiriza yatanzwe mu kwirinda ikwirakwira rya COVID-19.