Coronavirus:Jeff Bezos yatakaje miliyari 7 z'amadorari ijoro rimwe-rwandroundup

Jeff Bezos washinze akaba n'umuyobozi wa Amazon

Uwashinze akaba n'umuyobozi wa Amazon,Jeff Bezos yatakaje miliyari 7 z'amadolari ijoro rimwe, ndetse na miliyari zirenga 18 z'amadolari mu kwezi gushize, bitewe n'igiciro cy’imigabane ya Amazone yagabanutse ku isoko ry'imari n'imigabane kubera gutinya ko icyorezo cya coronavirus kizahungabanya ubukungu bw’isi.

Uyu mugabo uyoboye abafite amafaranga menshi ku isi yabonye ubutunzi bwe bwamanutse bugera kuri miliyari 110 z'amadolari mu ijoro rimwe, buvuye kuri miliyari 117 z'amadolari, kubera ko imigabane ya Amazon yagabanutseho 7%, mugihe mu kwezi gushize honyine umutungo wa Bezos wari wagabanutse uva kuri miliyari 129.

Guhangayikishwa na coronavirus byazengurutse amasoko kandi bitera igihombo cya za miliyari amagana mu butunzi bw'impapuro mu baherwe b'isi mu kwezi gushize.

Umuyobozi mukuru wa Tesla, Elon Musk, yanditse ku rubuga rwa twitter ko "afite ubwoba bwa coronavirus," yabonye agera kuri miliyari enye z'amadolari y'umutungo we ahomba ijoro rimwe.

Uwahombwe kurusha abandi ni umuyobozi wa LVMH, Bernard Arnault,watakaje miliyari 6 z'amadorari ijoro rimwe gusa, imigabane ya LVMH yagabanutseho 24% kuva muri Mutarama.

Arnault, yari yabaye umuherwe wa kabiri ukize ku isi anyuze kuri Bill Gates kuko umutungo we wari umaze kugera kuri miliyari 110 z'amadolari muri Mutarama, ariko umutungo wagabanutse hafi miliyari 30 z'amadolari mu mezi abiri gusa,bwatumye asubira ku mwanya wa gatatu.

Umutungo wa Warren Buffett wagabanutseho miliyari 4 z'amadolari, bituma igihombo cye cyose mu kwezi gushize kigera kuri miliyari 12 z'amadolari, naho umutungo we wose guhera mu gitondo cyo kuwa mbere ugera kuri miliyari 76 z'amadori.

Mbere yuko isoko ryo ku wa mbere rigabanuka, abakire 10 ba mbere ku isi bari baratakaje miliyari 80 z'amadolari mu kwezi gushize.