Abahanzi Katy Perry, Priyanka Chopra Jonas, Billie Eilish bari mubashyigikiye UNICEF basaba abayobozi ba G7 gusaranganya inkingo

Priyanka Chopra Jonas, Billie Eilish, Katy Perry na Liam Neeson bari mu ba mu byamamare byifatanije na UNICEF mu guhamagarira abayobozi ba G7 kwiyemeza gusangira doze z'inkingo za COVID-19 n'ibihugu bikennye.

Abambasaderi 28 ba UNICEF n'ababashyigikiye bakomeye, barimo David Beckham, Orlando Bloom, Whoopi Goldberg na Pink, bashyize umukono ku ibaruwa ifunguye isaba aba bayobozi ba G7 kugabana byibuze 20 ku ijana by'inkingo zihari.

Iyi baruwa yasohotse ku wa kabiri (8 Kamena 2021) mbere y’inama y’abayobozi ba G7 izabera i Cornwall ku ya 11-13 Kamena, ikaba isaba aba bayobozi kubikora byihutirwa, kugira ngo bagabanye ibyago byo kwandura iyi virusi, ndetse no kuyikwirakwiza.

Iyo baruwa igira iti: "Isi imaze umwaka n'igice irwanya icyorezo cya COVID-19, ariko virusi iracyakwirakwira mu bihugu byinshi kandi ikinduranya mu bundi buryo bushya bufite ubushobozi bwo kudusubiza inyuma aho twatangiriye." Ati: “Ibi bivuze ko amashuri menshi afungwa, ihungabana ry’ubuzima, ndetse n’ubukungu bwifashe nabi, bikabangamira ejo hazaza h’imiryango n’abana aho bari hose.”