Thomas Tuchel umutoza wa Paris Saint-Germain yirukanwe atariye Noheli - rwandaroundup

Ikinyamakuru cyo mu Budage BILD Sports nicyo cyatangaje bwa mbere aya makuru muri iki gitondo ariko kugeza ubu haracyategerejwe ko iki kigugu cyo mu Bufaransa kibitangaza kumugaragaro.

Rauswurf an Heiligabend: Tuchel war geschockt https://t.co/jsr4mJ0GSK #Sport #News

— BILD Sport (@BILD_Sport) December 24, 2020

Ni akazi Tuchel yari amazeho igihe gito, PSG ariko yarikomeje kunengwa kwitwara nabi muri iyi shampiyona yo mu Bufaransa.

Ku mugoroba wo ku wa gatatu, batsinze Strasbourg ibitego 4-0 iwayo, ariko ntibyari bihagije kugira ngo bimufashe ku guma ku kazi uwahoze ari umuyobozi wa Borussia Dortmund.

Muri iki gihe PSG iri ku mwanya wa gatatu ku rutonde rw'agateganyo muri Ligue 1, shampiyona ikomeje kuyoborwa na Lyon.

Tuchel yahawe akazi na PSG mu mpeshyi ya 2018 maze atwara ibikombe bitandatu muri iyi kipe, harimo ibikombe bibiri bya Ligue 1.

Uyu mudage kandi yayoboye iyi kipe ku mukino wa nyuma wa Champions League muri 2019/20, aho yatsinzwe na Bayern Munich.

Exclusive: At Christmas! @TTuchelofficial is dismissed at @PSG_inside @BILD_Sport

— Christian Falk (@cfbayern) December 24, 2020

Muri uyu mwaka, ikipe ya Tuchel yari yabonye tike(ticket) yo gukina imikino ya 1/8 cy'amarushanwa yo ku mugabane w’Uburayi aho yari kumwe na Manchester United mu matsinda.

Bari batsinze Amashitani atukura 3-1 kuri Old Trafford, ariko na nyuma y'iyo ntsinzi habaye ibibazo byo kumenya niba Tuchel yari umuntu ukwiye aka kazi.

Nk’uko abanyamakuru Mohamed Bouhafsi na Fabrizio Romano babitangaza ngo Mauricio Pochettino ubu agomba kuba umuyobozi mushya wa PSG.

Uyu munya Arigentine yabuze akazi kuva yatandukana na Tottenham mu ntangiriro za shampiyona ya 2019/20.

Pochettino yakiniye PSG imyaka 2 yose

Pochettino yamaze imyaka irenga ibiri ari umukinnyi muri PSG hagati ya 2001 na 2003, yegukana igikombe cya UEFA Intertoto mu 2001.