Cristiano Ronaldo agiye guhindura amahoteri ye mo ibitaro kugirango afashe kurwanya Covid-19:

Imwe muri hoteli ze yitwa Pestana CR7

Cristiano Ronaldo, uri mu kato muri Porutugali, yerekeje ku mbuga nkoranyambaga ashimira inzobere mu buzima zifasha mu kurwanya icyorezo cya coronavirus.

Nk’uko ikinyamakuru MARCA cyo muri Esipanye kibitangaza,ngo amahoteri yose ya CR7 yiteguye guhindurwamo ibitaro kugira ngo havurirwemo abarwayi ba Covid-19, Kandi iyo serivisi ikajya itangirwa ubuntu,Cristiano niwe uzishyura abaganga n'abakozi." 

Ronaldo's hotel

Cristiano Ronaldo yashyize ubutumwa ku mbuga nkoranyambaga ze, asaba abafana be n'abaturage gukurikiza amabwiriza y’umuryango w’ubuzima ku isi (OMS) mu bijyanye no kwirinda icyorezo cya Covid-19.

Cristiano Ronaldo yari mu kato i Madeira, muri Porutugali nyuma yuko bimaze kugaragara ko umwe muri bagenzi be bakinana muri  Juventus, Daniele Rugani yipimishije bakamusangana COVID-19.

Abakinnyi ba Juventus, abakozi ndetse n’abahuye na Rugani bari mu kato ku bushake, nkuko ikipe ya  Juventus yari yabitangaje.