Coronavirus:Ibigo 4 bikomeye mu ikoranabuhanga byahombwe tiriyoni imwe y'amadorari (1$trillion)-rwandaroundup

Ibigo byibasiwe ni Microsoft, Apple, Alphabet(Google) na Amazon.

Kuva muri Gashyantare 2020, ibi bigo byahombwe hafi tiliyoni 1.3 z'amadolari.

4 tech giants

Coronavirus yatumwe agaciro ku isoko ry'imari n'imigabane y'amasosiyete akomeye ku isi igabanuka cyane,ariyo mpamvu enye mu masosiyete akomeye mw’ikoranabuhanga ku isi zimaze guhomba tiliyoni (trillion)1.3 z'amadorali kuva muri Gashyantare 2020.

Ibigo nka Microsoft, Apple, Alphabet(Google) na Amazon imigabane yabyo yarahombwe mugihe amasoko akomeje guhomba kubera coronavirus.

Business Insider ivuga ko Microsoft yibasiwe cyane kuko yonyine yahombwe hafi 27% by'agaciro kayo,bivuze miliyari 405 z'amadolari.

Isosiyete ya Apple nayo yahombwe imigabane irenga 25% bivuze ko agera kuri miliyari 372 z'amadolari,mu gihe Alphabet cyangwa Google yahombwe hafi 30% by'agaciro kayo, angana na miliyari 311.

Imikorere ya Amazon yagaragaye ko ari myiza muri izi enye, kuko yatakaje hafi 21% bivuze agera kuri miliyari 239 z'amadolari y'agaciro ku isoko ry'imiri n'imigabane.

Ntabwo bigarukira aho kubucuruzi, kuko icyorezo cya coronavirus cyatumye ibikorwa byubukungu bidindira kwisi yose.

Coronavirus imaze guhagarika ibikorwa byinshi by'ubukungu kw'isi yose,kandi ngo ishobora guteza izindi mbogamizi bikorwa bya buri minsi.