Chine: Abagera 21 baguye mu Marushanwa yo kwiruka- rwandaroundup

Abiruka 21 bitabye Imana nyuma yo kwiruka mu mvura ivanze n’imbeho nyinshi n’imiyaga mu Bushinwa. Byabereye mu ntara ya Gansu iri mu majyaruguru y’igihugu.

Abateguye ayo marushanwa yo kwiruka mu misozi abo bakinnyi baguyemo basabye imbabazi bavuga ko bicuza kandi babajwe n’ibyabaye. Ntibigeze nyamara berura ngo bavuge ko hari ukurangara kwaba kwarabayeho mu kugenzura ikirere mbere yo gutegura ayo marushwanwa.

Ikipe y'abatabazi yagowe n'ikirere

Abari bitabiriye ayo marushanwa y’abiruka ibirometero 100 bari 172. Ibiro ntaramakuru byo mu Bushinwa Xinhua bivuga ko 151 muri abo ubuzima bwabo bwifashe neza n'ubwo hari abari kuvurwa ibikomere bisanzwe.